محمد القس يتصدر جوجل تريند والسر في دعوة أم

تصدر الفنان محمد القس محركات بحث جوجل تريند خلال الساعات القليلة الماضية ، كما جاء ذلك بعد أن كشف عن تفاصيل اختياره في مسلسل موضوع عائلي، حيث توجه رفقة عدد من الفنانين، للقيام بعمل فني في دبي، وكان المخرج أحمد الجندي، مشيرا إلى أن علاقته ومعارفه في الوسط قليلة.

موعد عرض مسلسل رقم سري على dmc

واوضح في لقائه مع الإعلامية منى الشاذلي ببرنامج “معكم” الذي يذاع على قناة “ON”: “في الأول قلت اسمه شبه اسم الأستاذ محمود الجندي، ومكنتش أعرف انه ابنه، وقعدت أنا وهو وبعد ما خلصنا، قالي انت كويس ولازم تبقى معانا، لكن حسيت انه هيضحك عليا لكن الموضوع طلع حقيقي”.

محمد القس

واضاف : “أول ما قعدت معاه قالي في مسلسل وده هيكون دورك، وطلب مني أعمل تجربة أداء على الدور، ولما شاف، قالي انا عاوز اعمل اللي انت عملته ده، وقالي ان المسلسل هيكون مع ماجد الكدواني، كنت هطير من الفرحة”.

واستكمل الفنان : “قبلها بكام يوم، كنا بنتفرج على فيلم للفنان ماجد الكدواني، وقلت لوالدتي أنا نفسي أمثل مع الراجل ده، قالتلي روح يا ابني ربنا يرزقك بالشغل معاه والدعوة اتحققت”.

واختتم : “مكنتش متوقع ان دي تكون البداية بتاعتي في الدراما المصري، نزلت المول، جالي ناس سلموا عليا وساعتها قعدت أعيط وأكلم ربنا، كأن ربنا بيقولي ده وقتك”.