الصحة تقدم نصائح مهمة لحماية الجهاز الهضمي في رمضان
كتب- علي يوسف
كشفت وزارة الصحة والسكان عن آليات الحفاظ على صحة الجهاز الهضمى فى رمضان وذلك لتجنب مشكلات الحموضة، الانتفاخ، والإمساك عبر صفحتها الرسمية على موقع التواصل الاجتماعى فيسبوك.
أولًا: عند الإفطار
١- ابدأ بالماء والتمر: يساعد المعدة على الاستعداد للأكل بعد ساعات الصيام.
٢- تجنب الأكل بسرعة: المضغ الجيد بيساعد في الهضم وبيقلل من مشاكل الانتفاخ.
٣- ابدأ بشوربة دافئة: مثل شوربة الخضار أو العدس علشان تهيئ المعدة لاستقبال الأكل.
٤- قلل من المقليات والتوابل: الأكلات الدسمة ممكن تسبب حموضة واضطرابات هضمية.
ثانيًا: بعد الإفطار
١- اشرب مياه كتير: على مراحل، مش مرة واحدة، علشان ما تحسش بالانتفاخ.
٢- المشى بعد الأكل: الحركة الخفيفة بتحسن الهضم وتمنع التخمة.
٣- تجنب المشروبات الغازية: لأنها بتسبب انتفاخ وبتأثر على الهضم.
ثالثًا: عند السحور
١- اختار أطعمة غنية بالألياف: مثل الفول، الزبادي، والفاكهة، علشان تحس بالشبع وتمنع الإمساك.
٢ قلل من الأملاح والمخللات: لأنها بتسبب العطش أثناء الصيام.
٣- اشرب اللبن أو الزبادي: مفيد للهضم وبيقلل الحموضة.
٤- حافظ على مواعيد نوم منتظمة: لأن قلة النوم بتأثر على عملية الهضم.
٥- لو عندك مشاكل في المعدة زي القرحة أو ارتجاع المريء، استشر طبيبك.
