بعد جدل مش لازم ناخد إجازة في الأعياد.. أول رد توضيحي من سامح حسين
تصدر الفنان سامح حسين، مؤشرات البحث خلال الساعات القليلة الماضية، بعد تصريحاته مع الرئيس السيسي في احتفالية عيد الفطر المبارك بشأن تقليل أيام الإجازات.
وقال سامح حسين في منشور له “جمهوري الحبيب .. كل سنة وأنتم طيبين وبخير .. بناء على طلبكم .. والناس اللي طلبت تفسير لموضوع إني بطالب بإلغاء الأجازات في الأعياد .. الكلام ده طبعًا غير حقيقي بالمرة .. أنا زيكم بحب الأجازة وبحب زيكم أشتغل بإخلاص زي كل واحد في مجاله .. الأجازة دي نعمة من ربنا نشحن من خلالها قوتنا لمواصلة مشوار الحياة “.
واستكمل “كل الموضوع إني تمنيت إن أعياد مصر وأفراحها تزيد وتكثر وساعتها مش لازم ناخد الأعياد الجديدة دي كلها أجازة .. لكني لم أقصد أبدًا إلغاء الأجازات الرسمية “.
وتابع “على فكرة إحنا بنحب الأجازة علشان بنشتغل .. أي حد جرب قلة الشغل مش هيحب الأجازة .. الشغل نعمة ربنا يديمها علينا ويعين كل واحد على حاله ويكرمنا جميعًا ويرزقنا الخير .. يارب حياتكم تكون كلها أعياد وفرحة”.
