الباز يفتح النار على إيمان البحر درويش: كتب كلام فارغ زى دماغه عن سد النهضة.. وفقد عقله
كتب- محمد محمود
هاجم الإعلامي محمد الباز، الفنان إيمان البحر درويش، بشكل لاذع، بسبب تحدث الأخير عن موضوع سد النهضة.
يهمك.. “الباز” يطالب وزارة الصحة بالشفافية فى الحديث عن “الفطر الأسود”
وقال الباز: “ايه مشكلة ايمان البحر درويش؟ .. من زمان على فكرة وايمان البحر درويش فقد صلاحيته الفنية.. ومن زمان كمان فقد صلاحيته العقلية.. ومن زمان برضه بيحاول يدور على أى طريقة يفضل بيها تحت الأضواء، وتقريبا لما بقى مفيش فايدة من الهجوم على زملاءه من الفنانين، قال يبقى خلاص نهاجم الرئيس والجيش”.
وتابع “كتب ايمان البحر كلام فارغ زى دماغه عن موضوع سد النهضة، ولو قلت لى إننا بنروج لكلامه وبنخلى الناس تقراه، هاقول لك مفيش مشكلة يا ريت الناس تقرأ كلامه عشان يتأكدوا إنه عايش بره الزمن”.
واختتم “الكلام اللى قاله درويش مش بس بيأكد أنه جاهل باللى بيحصل حواليه، لا ده مغيب تماما.. ولو فيه نصيحة رغم ان النصيحة خسارة فيه، هاقول له : اركن شوية على جنب، محدش فاضى لك فعلا”.
