رامي صبري يطرح أغنيته الجديدة “لما بيوحشني”

كتب – محمد سيد

طرح الفنان رامى صبرى، ثالث أغنيات ألبومه الجديد التي تحمل اسم “لما بيوحشنى” من ألحانه وكلمات احمد علي موسى وتوزيع طارق توكل.

اقرأ أيضا.. رامي صبري ينتهي من تسجيل أحدث أغانيه

وتقول كلمات الاغنية :

لما بيوحشني بطلع صورته واكلم فيه

واسأله عن حاله وعن أحواله وعامل إيه

وبقوله وحشتني جدا .. وفرقت معايا وفعلا مش قادر ع الشوق ولا عارف حتى اخبيه

يا ع الدنيا لما تفكر تعاندنا ليه على غفله ..

عن اغلى الناس تبعدنا ليه وفي ثانية تاخد مننا حبايبنا يا ع الدنيا.

وتعدي ساعات وانا ماسك صورته وبحكي معاه

ماهو أكتر واحد أنا بعرف افضفض وياه

كان أكتر قلب فاهمني كان دايما بيطمني وعشان كدا أنا مش ممكن أنساه..

يا ع الدنيا لما تفكر تعاندنا ليه على غفله ..

عن أغلى الناس تبعدنا ليه وفي ثانية تاخد مننا حبايبنا يا ع الدنيا.

ويحتوى ألبوم رامى صبرى الذى يحمل اسم “معايا هتبدع” 8 أغنيات متنوعة، بدأ طرحها من 20 ديسمبر الجارى ويستمر حتى يوم 6 يناير المقبل، على موقع الفيديوهات “يوتيوب” ومنصات الموسيقى المختلفة.