فلوكس يكشف تفاصيل تأييد حبسه سنة: “أنا راجل مش فاضي ومبحبش المحاكم”
كتبت- مي طارق
كشف الفنان أحمد فلوكس، تفاصيل الحكم الصادر ضده بتأييد حبسه سنة بتهمة سب وقذف سيدة الأعمال ياسمين عزت، وذلك في القضية رقم 521 لسنة 2021 جنح اقتصادية.
يهمك.. فلوكس يهاجم حبيبته السابقة: “عملتلي أعمال ودمرت حياتي”
وقال فلوكس خلال اتصال هاتفي ببرنامج “حضرة المواطن” تقديم سيد علي: “مش عارف ده ليه بيحصل معايا، لكن لا تعقيب على أحكام القضاء، لدي قضيتين مرتبطتين ببعض، واحدة تم حفظها، والأخرى صدر الحكم فيها اليوم”.
وتابع: “الإعلام ليس لديه خلفية عن القضيتين، لأني أخذت عهدًا على نفسي ما تكلمش في أموري الشخصية، لسه مش تأييد حبس، هناك درجات تقاضٍ أخرى، أنا مش محبوس أنا في بيتي هي حملة موجودة عليا ولا شك كلها حبس”.
وعن أزمته مع ياسمين عزت قال: “مفيش بيني وبينها قصة مش فاضي ليها ولا غيرها، أنا راجل معول رجعت لزوجتي وابني، عندي مسؤوليات، راجل مش فاضي، مش بحب المحاكم، أنا ابن ناس أهلي مربيني وأبويا وأمي تعبوا عليا”.
وأكد: “علاقتي بكل الناس طيبة جدًا مش بسعى لشهرة مش محتاجها ولا عاوزها، هي مش مذيعة، وهي قضية شخصية مش هتكلم فيها دلوقتي، اللي عاوز يعمل شر بيعمله، ربنا كبير مش راضي لظلم حد، مش أنا اللي بجري للشر والقواضي، أنا أبويا وبيتي وأمي علموني كده، واللي بيعمل حاجة بيدفع تمنها”.
