محمد رمضان يكشف عن الشخصية التي يريد تجسيدها
كتبت: شيماء وائل
أعرب الفنان محمد رمضان عن حلمه بتجسيد شخصية رائد التنوير رفاعة رافع الطهطاوي، وذلك من خلال تقديم سيرته الذاتية في عمل فني يشاهده الجمهور ليتعرف على عطائه.
جاء ذلك على هامش ندوة تكريمه بمهرجان الأقصر للسينما الأفريقية في دورته الـ12،حيث أشار إلى أن الطهطاوي استطاع تطوير بلده بعد الخبرة التي اكتسبها من الخارج، موضحاً أن الشخصية بنقول بيها إن مش لازم أكون شخص أتعلم في لندن أو أتعلم في أمريكا عشان أقدر أطّور بلدي وأنهض بيها.
وأضاف محمد رمضان “رفاعة الطهطاوي طلع في بعثة وشاف ولكن رجع لبلده وقدر يعمل مزيج ما بين التطوير والتحديث”.
وتابع: “والأصل أني أبقى أتطور من خلال بلدي، واكتسب الخبرات من بره وبعدين أرجع أنهض ببلدي ودا طموحي طول عمري”.
طالع المزيد:
– محمد رمضان يتصدر «يوتيوب» بعد طرح أغنية «نصابة»
– طارق الدسوقي يكشف أسباب رفضه مشاركة محمد رمضان فى «العمدة»
وفي سياق آخر، سرد الفنان محمد رمضان موقف له مع الفنان الراحل عمر الشريف عن الوصول إلى العالمية، عندما سأله عمر الشريف عن طموحه قائلًا: وعمري ما هنسى سؤال عمر الشريف الله يرحمه قالي ايه طموحك، كان فيه طبق فاضي وحطيت الملاحتين جوه الطبق وقولت لعمر الشريف إن الطبق ده العالم والملاحة دي أمريكا والملاحة دي مصر.
وتابع محمد رمضان: قولتله أنا أتولدت في مصر فبالتالي أنا مصر واللي أتولد في أمريكا اسمه أمريكاني ومصر جوه العالم وأنا أتولدت جوه العالم يعني أنا عالمي، قالي مش فاهم، قولتله ليه العالمية أتخذت من العالم كله وبقت في أمريكا بس، يعني ليه عشان أبقى عالمي لازم أبقى عايش في أمريكا، ليه مبقاش عالمي وأنا عايش في مصر.
