كتب – محمد نور

كشفت الفنانة ميرهان حسين حقيقة اعتزالها التمثيل، بسبب الشلالية في الوسط الفني وعدم شعورها بالتقدير.

اقرأ أيضا.. ميرهان تقرر اعتزال التمثيل.. وتعلق: تعبت من قلة التقدير

ونشرت ميرهان حسين مقطع فيديو عبر خاصية ستوري لحسابها على انستجرام، قائلة: أولا وحشتوني جدًا، وآسفة أني اختفيت عنكم الفترة دي، واختفيت عشان أرجع أحسن من الأول، بجد مش عارفة أشكركم ازاي على حبكم واهتمامكم اللي شوفته الفترة اللي فاتت شكرا لكل أصحابي وأهلي زمايلي والناس اللي بتحبني، وفعلا لولاهم مكنتش هعرف أعدي الأيام اللي فاتت دي.

وتابعت: وبخصوص موضوع اعتزالي، أنا مكنتش أقصد إني بعتزل الفن أنا كنت أقصد إني بعتزل السوشيال ميديا، أعتزل الناس لفترة؛ عشان كان عندي إحباط وعديت بفترة فيها إحباط زي أي بني آدم ممكن يعدي بفترات حياته بيتعب ويكتئب، وبوقفة الناس اللي بيحبوه جنبه بيقدر يعدي الوقت الصعب ده.

وأضافت: كنت مش في احسن حالاتي وبوقفكم جمبي ودعمكم ليا رجعت احسن وإن شاء الله الأيام اللي جاية يارب تكون الأحلى وأحسن في حياتي.

واختتمت: وفعلا بوقفتكم جنبي وحبكم ليا إن شاء الله قادرة أعدي، وأوعدكم الفترة الجاية بحاجات حلوة وميرهان اللي بتحبوها، بجد شكرا.