كتب – علي نور

طرحت المطربة نسمة محجوب، أحدث أعمالها الغنائية على يوتيوب، والمنصات الموسيقية، ومواقع التواصل الاجتماعى، ومحطات الراديو، التى تحمل عنوان “الوقت يعدى” من كلمات الشاعر مصطفى ناصر، وألحان راندو هارفي، وتوزيع موسيقى ماهر الملاخ، ومن إخراج إبراهيم عزت.

اقرأ أيضا.. رامي صبرى يستعد لطرح أغنية جديدة

وتقول كلمات أغنية “الوقت يعدى”:..

عاجباني اللمة .. وخصوصا لما
تجمعنا صورة فـ مكان حبيناه
ونلاقي روحنا .. لو حد غنى
من غير ما نفكر بنغني معاه
ولا تحلى غير بيك .. ده الكل مستنيك
ولا تحلى غير بيك .. اوعى تسيبها تعديك
و الوقت يعدى و يعدى .. عدى عدى عدى
ولا نحس بيه
عاجباني الدنيا .. لما تيجي ف ثانية
تجمع ما بين اهل واصحاب وناس
طول ما الحبايب .. مافيهمش غايب
لازم هنفرح هنفرح خلاص
ولا تحلى غير بيك .. ده الكل مستنيك
ولا تحلى غير بيك .. اوعى تسيبها تعديك
نسرق شوية وقت لينا .. من الحياة ومن السنين
ايه احلى مـ الدنيا فـ عينينا .. لو نكون متجمعين
و الوقت يعدى و يعدى .. عدى عدى عدى
ماتيالا نغنى و نغنى .. غنى غنى غنى
فالوقت يعدى و يعدى .. عدى عدى عدى
ولا نحس بيه

وأحيت الفنانة نسمة محجوب، حفلاً غنائيًا ضمن حفلات المهرجان الصيفى للموسيقى والغناء بالإسكندرية، على مسرح سيد درويش، وسط حضور جماهيرى كبير وبصحبة فرقتها الموسيقية.

وبدأت نسمة محجوب نشاطها الفنى فى موسم هذا الصيف، بأغنية “الوقت يعدى” ومن خلال الفيديو تدعو باستغلال الوقت، فى دعم حالة من التفاؤل والأمل والسرور عن طريق “اللمة” التى تجمع بين الأهل والأحباب والأصدقاء، حتى تبعث في النفوس الراحة والاطمئنان، فعندما نجتمع مع من نحبهم ونشعر بالراحة، يزول التوتر والقلق الذي ينتابنا بسبب ضغوط الحياة.