أديب يلقن الحركة المدنية درسا: جوه المعارضة في غيرة من واحد (شاهد)
كتبت: هدى الفقى
أوضح الإعلامي عمرو أديب، المواعيد والتواريخ المرتبطة بالانتخابات الرئاسية المقبلة ، مشيرا إلى أن المواطنين خرجوا أمس (الاثنين) لعمل توكيلات للرئيس السيسي.
وأضاف أديب خلال تقديم برنامجه “الحكاية” ، المذاع على قناة «إم بي سي مصر»، مساء أمس الإثنين أنه من المحتمل أن يكون الرئيس قد جمع أكثر من 25 ألف توكيل، نظرًا لحجم الإقبال على مكاتب الشهر العقاري من قبل المواطنين، حاملين في أيديهم صور الرئيس السيسي.
وقال أديب: “اللي مش هيعرف يجيب الـ25 ألف توكيل من 15 محافظة هيبقى عنده مشكلة في ورقه ومش هيعرف يخوض الانتخابات الرئاسية، واللواء عمر سليمان شخصيا معرفش يكمل ورقه”.
ووجه أديب نقدا حادا للمعارضة، واصفا أياها بالانقسام ودخولها فى حالة تخبط تعيشها حاليًا، في ظل ضيق الوقت أمامها لخوض الانتخابات الرئاسية، وفى هذا الصدد قال: “عايزين الصراحة أنا حاسس جوه المعارضة في غيرة من واحد، هما وسط بعض معندهمش توافق وهم أحرار، لكن هل ده الموقف اللي كانوا يتحدثون عنه بمثالية شديدة”.
طالع المزيد:
– عمرو أديب يكشف خطة الإخوان للتسلل إلى المشهد السياسى
انتو ناويين تخلصوا على بعض، جميلة إسماعيل على فريد زهران؟ ريحني وفهمني، انزل ووريني قد إيه ممكن تعمل فارق وتغييرا لمصلحة الوطن، جائز يكون فيه أفكار مختلفة في الأسعار والأجور والاقتصاد تنفع البلد، ولكن لغاية الآن ما أراه خلافا على منافسة السلطة وليس على السلطة”.
وواصل: “بصراحة الحركة المدنية اتأخروا جدا وكان المفروض يتحركوا من بدري، يا ريت بقى ميبقاش فيه حركات بلدي في الانتخابات اللي عايز يؤيد السيسي يؤيده ومفيش أي مبرر يتعمل أي شيء غير طبيعي أو حد عايز يخدم أو يتطوع الموضوع مش محتاج خالص إننا نعمل شيء زيادة، أنا عايز المصري يبقى عنده ثقة في الممارسة السياسية ولغاية لما أوصل الانتخابات متيأسنيش بقى، اعطوا الناس فرصة تعبر عن نفسها، تصرفوا بحضارة وعلى قدر تاريخنا اللي خرمتولنا وداننا بيه، وبصراحة أنا مقدرش أتوقع اللي هيحصل الانتخابات الرئاسية”.
وقال أديب أيضا: “نفسي كمواطن مصري نعمل حاجة جيدة والناس يبقى عندها ثقة في صوتها، أنا مش قلقان من الانتخابات ولكن قلقان من اللي بعد الانتخابات، والناس تلتفت بقى للأهم، الأزمة الاقتصادية، وده أهم من أي حاجة، الأساس في الحكاية الخروج من الأزمة الاقتصادية، عمري ما شوفت انتخابات جت قبل كده علي مصر والبلد كنت في وضع صعب زي دلوقتي”.
شاهد:
