الصحاب قلبوا على بعض.. حمو بيكا: “توبة أغني مع عمر كمال.. ناسي نفسك لما عملت معايا أول تراك ونجح”
كتبت- مي طارق
فتح مطرب المهرجانات الشعبي حمو بيكا، النار على صديقه المطرب عمر كمال، خلال بث مباشر على صفحته الرسمية بـ “فيس بوك”، قائلا: “عمر كمال الأول كان بيعمل أغاني الأول محدش بيسمعها، طلع قال في البرنامج حمو بيكا مبيعرفش يغني، وأنا توبة أغني مع شخصية زيك تاني، أنت ناسي لما جيتلي وعملت لك أول تراك ونجح، طالع قدام الناس تقول حمو بيكا مبيعرفش يغني”.
بدأت تفاصيل الحكاية عندما قال عمر كمال، خلال لقاءه مع الإعلامي عمرو أديب ببرنامجه “الحكاية” أمس، “إن حمر بيكا لا يجيد الغناء، مبيعرفش يغني هو كاركتر بس”، ما أثار غضب حمو بيكا.
وأضاف عمر، “حمو بيكا مبيعرفش يغني ولكن هو كاركتر زي الفنان شعبان عبد الرحيم كان له لون خاص.. واللي شهره أنه اخترع لون إسكندراني في الغناء”.
وتابع: “اتظلمت إني اتحطيت في موجة المهرجانات، والناس هي اللي حطتني في الزون ده.. كان قبلها بروح فرقة وأنزل حفلات ومكنتش بتجيب همها، واضطريت أروح للمهرجانات عشان أكسب فلوس”.
