وائل عبد العزيز: “بنتعرض لحملة مدفوعة الأجر.. وهكشف قريب كل حاجة وكلامي هيوصل لكل أجهزة الدولة”
كتب الفنان وائل عبد العزيز، شقيق الفنانة ياسمين عبد العزيز، منشور غامض عبر صفحته الشخصية على موقع “فيسبوك”، فتح فيه النار على من يحاربونه – على حد قوله.
وقال: “احنا بنتعرض لحرب ممنهجه مدوفعه الأجر بمبالغ ضخمه منذ اكتر من سنتين .. والحرب دي لو منتهتش في اقرب وقت هيبقي عليا وعلي اعدائي وساعتها محدش يزعل .. واتقوا شر الحليم اذا غضب انا بقالي سنتين ماسك نفسي وقاعد في بيتي رغم ايرادتي وساكت علي امل ربنا يهديكم وتركزوا في نفسكم وتسبونا في حالنا وكنت بتعامل باحترام لاحتواء الموقف ونظرا لخطوره عقولكم .. الي انا اعرفها كويس”.
وأضاف “لكن احنا بنتحارب إعلاميا وأنا في الشغل علي جميع الأصعدة .. قريب جدا هعمل مؤتمر صحفي من الخارج وهكشف فيه عن كل حاجه و وكلامي هيوصل لكل أجهزة الدولة، واحنا مش قليلين ولينا جمهور كبير حول العالم العربي اجمع”.
وتابع “عايشين في دوله قانون وتحت قياده قائد قوي وقادر انه يحمينا بعد الله عز وجل، وانا مبخافش وانتوا عارفين ده عني كويس جدا.. ده اخر تحذير ليكم انتو والي مشغالينهم .. كلامي مش عالفاضي و عندي اثباتات .. اتقوا الله وكفاية لحد كده واتقوا شري” .
