نصر محروس: بهاء سلطان ابني وبخاف عليه ومكنش حد يعرفه قبل ما يشتغل معانا
كتب: أحمد حسن
تحدث المنتج نصر محروس عن تفاصيل صلحه مع الفنان بهاء سلطان، بعد خلافاتهم دامت لعدة سنوات ابتعد خلالها الفنان عن الساحة الفنية وعن جمهوره.
وقال نصر محروس خلال استضافته ببرنامج صاحبة السعادة التي تقدمه الفنانة إسعاد يونس عبر شاشة قناة dmc: أنا فرحان إني معاكي يا إسعاد وبحس معاكي إني بكبر وفرحان بزيادة يا صاحبة السعادة ويارب نرضي الناس النهاردة.
اقرأ أيضا: غادة عادل: كنت عايزة أسيب التمثيل بعد فيلم الباشا تلميذ لأسباب متضاربة بداخلي
وأضاف نصر محروس: هقف عند بهاء سلطان عشان هو عشرة عمر ١٨ و١٩ سنة وبينا صداقة وحب وابني وبخاف عليه، بس احنا في الشركة بنبني نجم ومكنش حد يعرفك في الأول وفجأة الناس بقيت بتشدك من قمصانك وده له ثمن واحترامنا للعقود شيء مهم.
وتابع نصر محروس: اتشتمت كتير أوي خصوصا لو هي عملية ممنهجة، والشكاوى اللي كانت بتيجي كانت أوفر، وأنا مكنتش موقف بهاء سلطان، ولكن في النهاية مهم نكبر للعشرة ومهم يفضل بهاء موجود وبيغني.
