مها أحمد تُهاجم السقا وكرارة: “نجمين عملوا مسلسل وبنوته مبتدئه اديتهم على قفاهم” | القصة الكاملة
كتب- محمد حسين
يبدو أن مسلسل “نسل الأغراب” بدأت بوادر سقوطه تفوح على الساحة الفنية، خاصة بعد قرار المتحدة للخدمات الإعلامية الأخير الخاص بوقف التعامل مع المخرج محمد سامي مرة اخرى، مخرج المسلسل.
يهمك.. لا تصدقوا الشائعات.. حقيقة الحالة الصحية للفنان سمير غانم وزوجته دلال عبد العزيز
خلال الساعات الماضية شهد قرار المتحدة الكثير من الجدل بين رواد السوشيال ميديا، وظهرت بوادر شماتة وخلاف بين الفنانين وبعضهم البعض، فمن بوست المخرج مجدي الهواري إلى منشور الفنانة مها أحمد، تصدر المسلسل قائمة التريندات، بعد الجدل المثار حوله.
مها أحمد تهاجم كرارة والسقا
كما تصدرت الفنانة مهما أحمد مواقع التواصل الاجتماعي؛ بسبب كتابتها رسالة غامضة شديدة اللهجة، لنجمين كبيرين، وذلك عبر حسابها الرسمي على “فيسبوك”، حيث تضمنت الرسالة ما يلي: “عوضي على الله دى الجملة اللى دايمًا بقولها لما اتصدم فاشخاص، الحكاية ياسادة نجمين عملوا مسلسل واتنجمت عليهم بنوته لسه ألف باء تمثيل واديتهم على قفاهم وركبت عليهم إلى أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كده مع أي زميلة لهم أقربها أنا”.
وأضافت: “النجم الأولانى بينى وبينه عيش وملح وزمالة رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتدئه المفروض انه عارف قيمتى الفنية وعارف انى اضافة له اتهرب منى وموقفش جنبى وباعنى رغم ان الكل عارف انى زى أخته (ندل)، أما التانى كان فبداياته يتمنى يسلم عليا ويقولى يا أستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه طبعًا محكلكوش قد ايه ندمت نفسى وعشت أسود أيام حياتى عياط واكتئاب وقلت عوضى عليك يارب”.
واستكملت كلامها: “تمر الأيام والاتنين يعلو ويتجمعوا مع بعض فمسلسل واحد(على عينهم طبعًا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذة)”.
واختتمت: “يمهل ولا يهمل، ابدوا من جديد يا اوفر تمثيل ياللى مبتقروش ياكمبارس جنب النجمه. نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا. (عوضنا على الله).. يارب متحوجنا لحد حتى ولو كان اققرب الناس لينا”.
لم تذكر مها أشخاصًا بعينهم في مضمون رسالتها، واكتفت بذكر المواقف المؤلمة معهم، والخلافات الفنية التي وقعت بينهما.
شقيقة السقا ترد
قامت شقيقة السقا فاطمة السقا، بالرد على الرسالة الغامضة للفنانة مها أحمد، وذلك عبر حسابها الرسمي على موقع التواصل الاجتماعي الشهير “فيسبوك”، قائلة “الكلام ده موجه ليكى يا أستاذة بدل ما تفضلى تمسحى ردى كل شوية، ابهرتينى يا مها بأخلاقك العالية .. و بانك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه “ندل” اللى هو احمد السقا.. بس انا بقولك قدام الناس قطع لسان اى حد يقول عليه كده لانه راجل اكرمك و وقف جنبك انتى و مجدى بدل المرة الف.. وأمير كراره بردو راجل جدع ومحترم للى ما يعرفهوش فى البوست بتاعك ده “.
وتابعت “معرفش ايه الفرص اللى كانت عندك اللى كان يتمنى يشتغل معاكى فيها زمان بس هو اى حد يتمنى يشتغل معاه دلوقتى اكيد .. و كلمة الدور بينادى صاحبه دى بتاعة افلام .. ما بتتقالش فى الحقيقة .. كفايا دراما و تشويه للناس.. وبعدين هما كممثلين مش مطالبين يقفو جنبك ولا يجيبولك ادوار على فكرة، دى رؤية مخرج و ناس بتوع كاستنج الحقيقة انا مش عارفة انتى عايزة ايه ..انا مش شايفة بعد العشرة الطويلة اللى انتى قولتى عليها غير كمية الحقد والسواد والشماتة اللى كانو متداريين ورا ابتسامة كدابة معرفش انتى ازاى كنتى بتدخلى بيوتنا الصراحة وانتى ست وحشة كده”.
واختتمت كلامها، قائلة:” نسيت اقولك السب والتطاول ده بيدل على الاصل.. و احنا بقى ولاد ناس مع اننا عندنا كلام كتير اوى يتقال”.
والدة أحمد السقا لمها أحمد : كومبارس فاشلة
كتبت نادية السقا عبر حسابها الرسمي على موقع التواصل الاجتماعي فيسبوك قائلة : “على الأصل دور كومبارس فاشلة تتطاول وتسب فنانين كبار وتعلق فشلها عليهم تبحث عن الشهرة بطريقة بذيئة، مهما حاولتي يا كومبارس ليس لك مكان بين الفنانين المحترمين وأن طلع العيب من أهل العيب ما يبقاش عيب”.
أمير كرارة لمها أحمد: والله عمري ما شوفتها
علق كرارة على منشور أحد الصحفين بموقع التواصل الاجتماعي “فيسبوك”، قائلًا “يا خالد أنا عمري ما شوفتها أصلا والله أنا مجدي وخالد وصلاح كامل ناس محترمة دخلت بيتهم، وجملة الدور بينادي صاحبه دي أكيد معرفش بتتقال إزاي والله.. وسبحان الله مع إنها كانت مبسوطة من جملة كتع كسح كتل ومتكلمتش غير بعد قرار محمد سامي لما نزل”.
