سليمان عيد يكشف بدايته الفنية.. و”جاءنا البيان التالي” نقطة التحول في حياته
كتبت- مي محمود
قال الفنان سليمان عيد، إن بدايته كانت في مسرح كلية تجارة جامعة القاهرة، وعمل مسرحية في الجامعة اسمها ” جمهورية فرحات ” تأليف دكتور يوسف إدريس، وإخراج زميل ليه أسمه وائل زكريا، وفي ثانية جامعة عمل مسرحية ” أيضا كلام فارغ ” مع الأستاذ شاكر خضير، جاء ذلك خلال حواره لبرنامج “ع اللوكيشن” مع شريف الليثي علي راديو هيتس.
و أضاف عيد، “طلب مني شاكر خضير اروحله مسرح باب اللوق علشان يستفيد من الإفيهات بتاعتي ، وماكنتش مصدق إني هشوف سمير غانم، وشاكر خضير من أكتر الناس اللي دعمتني وخلاني أشوف سمير غانم، و بحس إن الضحك الإفيهات علاج للناس”
وتابع “عملت أكتر من ٩٨ فيلم، و ٢٥٠ مسلسل ، و ١١٥ مسرحية، أما أول نقطة تحول في حياتي كان فيلم جاءنا البيان التالي، والنقلة التانية في حياتي كانت في فيلم عسكر في المعسكر، و عملت ٤٠ مشهد في فيلم جواز بقرار جمهوري ” .
و بالنسبة لأول فرصة في حياتي كانت في فيلم ” الطريق إلي إيلات ” وضحيت بمسرحية ” جوز و لوز ” علشان الفيلم و في النهاية دوري اتشال.
واختتم قائلا “مبنساش أيام المعهد كنت ساكن مع علاء مرسي، وكان بيدفع ١٠ جنيه وأنا ٧ جنيه وكنا مبسوطين جدًا”.
