لا يكذب ولكن يتجمل.. هنيدي: «عيني كانت ملونة وشعري أصفر ومعرفش إيه اللي حصل»|فيديو

كتب: أحمد مجمد

خلال لقائها الفنان محمد هنيدى فى برنامجها “معكم” المذاع على شاشة cbc طلبت منى الشاذلي، من هنيدى أن ينظر خلفه ليرى مفاجأة وهى عبارة عن طفلة تشبهه إلى حد كبير.

قالت الشاذلى موجهة كلامها لهنيدى: “شوف الصغنن اللي جايلك ده يا حمادة، بص القمر الصغنن ده”.

ونظر هنيدى  ورأى طفلة رضيعة تشبهه بدرجة كبيرة فقال مجاوبا منى الشاذلى: “مين ده يا قلبي، دي شبهي أوي، وأنا صغير، والله شبهي أوي”.

اقرأ أيضا: شاهد “التريللر” الرسمى.. بيومى فؤاد يعلن عن نفسه فى فيلم هنيدى الجديد “الأنس والنمس”

قال أيضا هنيدى معلقا على صورة له وهو طفل عرضتها عليه الشاذلى: “دي كانت في القناطر الخيرية”، وصورة أخرى علق عليها قائلا: “البراءة بالألوان بقى، لابس بدلة وماسك سندوتش وبديها، وكنت في القناطر الخيرية برضه، الفسح عندي كانت بتبقى يا القناطر يا حديقة الحيوان”، ونوه هنيدى عن إعجابه الشديد بالقناطر الخيرية مقسما: “والله العظيم القناطر الخيرية أحلى من الهايد بارك”.

وعن صورة يظهر فيها بأعين ملونة، قال هنيدي: “والله عيني كانت ملونة، ومعرفش إيه اللي حصل، وشعري كان لونه فاتح، بس محبيتشي أقول كدا، عشان بيقولولي بتكدب، أهو والله شعري كان أصفر وعيني كانت ملونة، والصورة دي أنا فاكر كانت في خطوبة أختي، وكنت ساعتها في ثانوي”.

وعلق هنيدى على صورة أخرى: “عارفة لما كانوا يصوركي غصب عنك، روح يا واد اتصور، فأنا رايح مش طايق الصورة ولا بتاع، وكنت لابس الشيرز ده، وكانت الصورة دي في العيد الكبير في الشتا، ومضايق أوي من التصوير زي ما أنتي شايفة، وهما بيزنوا عليا في البيت عشان اتصور”.

شاهد الفيديو