أديب يحذر «مصاصو الدماء» من الاستمرار فى رفع الأسعار | شاهد

كتب: على طه

حذر الإعلامي عمرو أديب، من “الركود الاقتصادى التضخمى” والذى شرحه بقوله: “الركود التضخمي يعني الحاجات مش هتباع، لكنها هتفضل غالية برده”.
وقال أديب فى برنامجه “الحكاية، المذاع على قناة “إم بي سي مصر، فى حلقة اليوم السبت 19/11: “العام المقبل سيشهد ركودًا تضخميًا”.
وأضاف متسائلا: “عندي سؤال مش لاقي له إجابة وهو ليه الأسعار بترتفع كل يوم رغم إن الدولار سعر ثبت عن تقريبا 24 جنيهًا ونصف”.

طالع المزيد:

• عمرو أديب يصف صراع الدولار والجنيه: «معركة شيطانية»

• التموين: مخزون الزيت يكفي لمدة 6 أشهر.. ولا زيادة في الأسعار

وواصل أديب: “الأول كان فيه مبرر وهو زيادة سعر الدولار، لكن دلوقتي الدولار سعره ثابت، بس الأسعار لسه بترتفع، التاجر حسب على سعر الدولار خلاص ورفع أسعار على هذا الأساس، ليه بقى الأسعار بتترفع تاني”.

وأضاف محذرا: “اللي بيحصل في السوق بيضر السوق، السلع هترطرط، الناس انكوت بغلاء الأسعار، مش إحنا بس، العالم كله، الناس بره اتجهت لتقليل الكميات بدل من رفع الأسعار”.

وأشاد أديب بالمصريين، وقال: “عندك شعب صابر، لكن متدوسش أكتر من كده، الطبقة المتوسطة وحتى الغنية تعاني من ارتفاع الأسعار”.
وأكد أديب: “فيه ناس عاوزة تمص دمنا، في ناس عايزة تخرب المركب”.