محمد موسى يتوعد محمد رمضان: هروقك بالورقة والقلم يابو صابونة
وجه الإعلامي محمد موسى، رسالة قوية إلى الفنان محمد رمضان، على خلفية سخرية وانتقاد الأخير له بعد نشر مقطع فيديو لـ”موسى”، مرفق به أغنية “أديك في الجركن تركن”.
اقرأ المزيد.. محمد رمضان يكشف عن الشخصية التي يريد تجسيدها
وقال محمد موسى خلال تقديم برنامج “خط أحمر” على قناة الحدث اليوم، اللي أسمه محمد رمضان، عايز أقوله زي الإعلامي عمرو أديب ما قاله قبل كده ونفذ بالورقة والقلم هروقك وهديك في الجركن وهتركن.. اديك من تحت لفوق.. اديك ع قد الشوق وطبعا أنت الشوق مبهدلك. . هديك وتقولى لماذا ! اديك وهتاخد هذا طبعاً أنت عارف هتاخد أيه… هتاخد اللي انت متعود عليه”.
تابع، “تاني بقولك أنت مين ياعم عشان محافظ يستقبلك أنت مين يا بتاع الجركن عشان تقول أنك هتعمل أعمال تعيش أكتر من الحضارة الفرعونية.. هي الحكاية هبت معاك أوي كده .. خليك في الصابونة بتاعتك واتكلم علي قد حجمك مش كل واحد مش مصدق اللي فيه هيطلع يرمي بلاه علي الناس.. وثقة في الله نجاح.. نصيحتي ليك أنت ممكن تبقي مشخصاتي كويس بس لو عملت شغل محترم مفيهوش إسفاف ولا فيه ترويج للبلطجة”.
ونشره محمد رمضان مقطع فيديو على حسابه الشخصي عبر “انستجرام”، يتضمن نشر جزءًا من انتقاد “موسى” للأخير ومرفق به مقطع من أغنيه “أديك في الجركن تركن”.
وقال محمد موسى، اللي أسمه محمد رمضان، بيشتغل مشخصاتي ومسمي نفسه نمبر وان.. والحقيقة هو فعلاً نمبر وان بس في الإسفاف والتدني سواء في الأعمال اللي بيقدمها أو في فيديوهاته اللي بينشرها علي مواقع التواصل الإجتماعي”.
تابع، “المشخصاتي أبو صابونة دهب.. حلو أوي أسم أبوصابونة ده.. هسميك أبو صابونة.. المهم أنه طلع نشر فيديو علي حسابه على انستجرام.. ثقة في الله نجاح.. وحط مقطع من حلقة الأسبوع اللي فات من برنامج خط أحمر وركب عليها البتاع اللي بيقول عنه أغنية ( وبما أني سميته رئيس جمهورية أديك في الجركن تركن) فواضح إن الجركن كان سخن وتعبه وعمله أح زي ماهو ذايع في الفيديو بصوته اللي ميتسمعش”.
