انتقادات شديدة لإعلان بنك مصر بعد الغناء على جبل موسى وإهانة القدسية
كتب_ زين ابراهيم:
انتقادات عديدة تعرض لها الفنان محمود العسيلي، والفنان حمزة نمرة، خلال إعلان بنك مصر بعد أن غنى محمود العسيلي على قمة جبل موسى، وهو ما اعتبره البعض إساءة لقدسية المكان.
إقرأ أيضا..ابنه بيومي فؤاد تشارك في مسلسل رمضان كريم.. فولة واتقسمت نصين (شاهد)
وعلى الفور تداول رواد مواقع التواصل الاجتماعي منشورات لمحمود العسيلي وهو على جبل موسى كما تداولوا صورًا أثناء غناء العسيلي لأغنية جوايا نور ما ينطفيش، لانتقاده بشكل كبير، بسبب غنائه على جبل موسى وهو نفس المكان الذي تحدث فيه النبي موسى مع الله.
إعلان بنك مصر
وفي هذا الصدد قال أحد النشطاء على موقع التواصل الاجتماعي فيس بوك: العسيلى لابس سلاسل وبيغنى لبنك مصر.. بيغني فين؟! بيغني وهو واقف على البقعة الطاهرة اللي ربنا كلم فيها سيدنا موسى عليه السلام، والمكان الوحيد على الأرض اللي تجلى فيه رب العالمين.. جبل الطور سيدنا موسى لما جه يطلع على الجبل ربنا قاله فأخلع نعليك إنك بالوادي المقدس طوى وإحنا في غفلة والله.
واضاف اخر: إعلان إيه اللى عاجبكوا ده؟! وعارضة إيه اللى مخلياكوا مبهورين بيها !! إنتو عارفين العسيلي بيرقص وبيغنى مع بنات بلبس خليع فين؟ واقف على جبل سيدنا موسى المكان المُقدس اللى كٓلم فيه ربنا بجلالة قدره هو بيغنى فيه سيدنا موسى لما جه يطلع على الجبل ربنا قاله فاخلع نعليك إنك بالوادي المقدس طوى، ده إن دل على شيء.
وتابع:” فهو إننا بقينا في غفلة لا عارفين بنعمل إيه ولا بنتابع إيه وبنتفرج على إيه إحنا في غفلة والله”.
