كتب – علي حسن

دخلت الفنانة روجينا في نوبة بكاء خلال استضافتها في برنامج “أنا والقناع” على قناة الحياة بسبب حديثها عن مرض زوجها أشرف زكي، والمحنة الذي تعرض لها.

اقرأ أيضا.. أشرف زكى يقدم بلاغ ضد زوج منة عرفة للتشهير بزوجته روجينا

وقالت روجينا :”دي فترة صعبة أوي في حياتي أنا وأشرف وبناتي، كنت بلبس قناع الراجل اللي بيتحمل المسؤلية، لأنه فجأة لقيت السند اللي عايشة معاه في دقايق لازم يدخل يعمل عملية”.

وأضافت روجينا “لازم أكون الراجل والست في الوقت ده، وأبقى جنبه ومتحمله المسؤولية، حسيت إن مينفعش أكون ضعيفة، ولازم أكون زيه في الوقت ده، كنت لابسه قناع أشرف في الفترة دي وحسيت وقتها أحاسيس صعبة”.

وتابعت “أشرف وهو داخل غرفة العلميات حسيت إنهم بياخدوا قلبي، الموضوع كان كبير وبسرعة، وعندي قناعات طول العمر إنه يتألم”.

وأوضحت “كان لازم أكون أشرف زكي علشان بناتي، مرجعتش زي الفترة وقت ما كنت روجينا وبقيت متوترة وخايفة عليه، بقيت تحت رجليه مهما يزعق أو يتخانق بسيبه يعمل اللي هو عايزه”.