ميدو يناشد مرتضى: «أرجوك كفاية خناقات ومشاكل الزمالك مش محتاجها»
كتب: أحمد محمد
ناشد نجم الزمالك، ومدربه، والإعلامى الحالى أحمد حسام ميدو ، مرتضى منصور رئيس نادي الزمالك السابق، قائلا: “أرجوك كفاية خناقات ومشاكل الزمالك مش محتاجها دلوقتي، في حاجات لازم تعديها، النادي بيمر بوقت صعب وكل الناس اللي عايشين في النادي عارفين ده”.
جاء ذلك من خلال برنامج “الريمونتادا” الذى يقدمه ميدو على قناة المحور، وفى معرض تعليقه على أزمة منصور مع محمود عبد الرازق شيكابالا كابتن فريق الكرة الأول بالنادي.
وأضاف ميدو: “الزمالك عنده مشاكل كتيرة جدا الكل عارفها ومش محتاج مشاكل زيادة، حتى لو في مشكلة لازم نتجنبها دلوقتي لو من جوا النادي”
وأوضح: “الكلام اللي قاله مرتضى منصور فيما يخص شيكابالا مكانش وقته إنه يتقال، والبعض بيحاول يستغل الأزمة عشان يطلع ترند”.
وانتهى ميدو إلى القول: “مينفعش نزود المشاكل الخاصة بالنادي، وشيكابالا لا يستحق هذا الهجوم بكل صراحة، وشيكابالا ملوش أي ذنب في إن في فلوس متأخرة على سبورتنج لشبونة”
وجدير بالذكر أن مرتضى ، كان قد شن هجوما حادا ضد شيكابالا واتهمه في مقطع فيديو نشره بصفحته الرسمية بموقع “فيس بوك”، بأنه يقود تمرد اللاعبين في الفريق بدلا من التوسط لحل أزمة الحجز على أرصدة الزمالك، لأنه على علاقة قوية برئيس الزمالك الأسبق ممدوح عباس.
