السيسي: أنا مش مانع حد أنه يتكلم بس أعرف كويس قبل ما تنكد على الناس في بيوتها
كتب – محمود عبدالله:
قال الرئيس عبد الفتاح السيسي:”أنا مش مانع حد أنه يتكلم، أنا عايزه يتكلم بس يعرف قضية البلد دي كويس قبل ما ينكد على الناس في بيوتها ويقول كلام مش مستكمل ودي كلمة مؤدبة بديلة عن الجهل”.
اقرأ أيضًا.. السيسي: نصرف 108 مليار على القطاع الصحي في مصر
وأكد الرئيس السيسي، خلال إطلاق المشروع القومي لتنمية الأسرة المصرية، أنه عندما كان في بلجيكا أول ملف تحدث فيه كان ملف حقوق الإنسان، موضحًا: “إحنا معندناش حاجة بنخبيها، إحنا عندنا قضية غير معلومة إلا لينا إحنا، وهي التحديات التي تواجه منظومات الصحة والتعليم”.
وتابع”من ضمن الحاجات اللي بتكلم فيها مع مسئول في بلجيكا قلت له الناتج المحلي بتاعك كام قالي 500 مليار دولار وسألته عدد سكانك كام، قالي 10 مليون نسمة، قلت له يبقى أنا عاوز 5 تريليون دولار لأني عندي 100 مليون نسمة”.
