ميرفت قاسم تكتب « بالعربى الكسيح »: العوض الجميل
ماهو برضه متزعليش مني يا شاكيرا ياختي إنتي اللي اهملتي ف روحك وسبتي نفسك وخليتي الجدع يبص بره
أنا برضوا بقول أنت كمان غلطان يا بيكيه أنت عندك 35 سنة ازاى تسيب شاكيرا أم 45 سنة وترتبط بواحدة تانية عندها 53 سنة؟!.
أموت وأفهم غيتك إيه ف النسوان الكبيرة يا ولا ؟!
يالا ربنا عوض عليها فى ساعتها بعد انتشار خبر انفصالكم قام الواد كريس إيفانز الفنان المشهور والمصنف من أكتر عشر رجالة إثارة ف العالم بعمل متابعة لشاكيرا عبر إنستجرام وأنباء عن إرتباطهم.. شوفتوا العوض ياولاد !!!
عقبالك يا ياسمين يا ختي يعوض عليكي بعد ما سيبتي شومة والنبي شكل الصيف السنة دى ساخن جدا
رسالة: اسمعي كلامي يا حلوة منك لها أساس الحياة الزوجية الناجحة عمره ما كان الشهرة أو الفلوس أساسها الحب والتضحية من كل طرف عشان يريح الطرف الأخر، والتعاون والنقاش المستمر لأى مشكلة بتواجهم، وحلها، وتحمل ظروف الحياة الصعبة عشان يخرجوا للمجتمع أولاد وبنات ناجحين فى كل المجالات.
واخيرا بقا سيبك من الوسامة والفلوس وأحمدى ربنا على الراجل الغلبان اللي معاكي أبو فانلة مقطعة، وكرش، ويجي آخر النهار شايل بطيخة عشان يطرى بها على قلبه دا عمره ما يبص لحد بره.
هههههههه مع احترامي لرجال مصر كلها المقال دا للكوميديا فقط.
