مصطفى شلبي وميدو تريند جوجل الأول .. رسائل نارية وهجوم حاد
كتبت: هدى الفقى
تصدر مصطفى شلبي جناح الفريق الأول لكرة القدم بنادي الزمالك، وأحمد حسام ميدو نجم الزمالك السابق جوجل تريند بعد توجيه ميدو رسائل نارية لمصطفى شلبي.
وخلال الساعات القليلة الماضية وجه ميدو رسائل نارية إلى مصطفى شلبي، بسبب احتفاله المثير بالهدف الذي أحرزه في مباراة دريمز الغاني.
وكان قد فاز الزمالك على نظيره دريمز الغاني، بنتيجة 3-0، في المباراة التي اقيمت بينهما مساء الأحد، ضمن منافسات إياب نصف نهائي كأس الكونفدرالية.
وأحرز مصطفى شلبي هدف الزمالك الثالث، في الدقيقة 59، وأثناء احتفاله قام بخلع قميصه وذهب للجماهير وأشار بيده بحركة خارجة.
وقال ميدو : ” مصطفى شلبي، أحرز هدف الزمالك الثالث، الماتش خلصان الزمالك حط نتيجته في جيبه، مصطفي، بعد ما أحرز الهدف راح للجمهور وشارر بالصمت وشاور بحركة تانية على صدره”.
وتابع : «أنت بتوجه رسالة لمين؟ انتوا مين فهمكم أن مستواكم دلوقتي يخليكم تفتكروا إن أنا أكبر من أي حد وإن أنا أقدر أعمل أي حاجة، مين وصلكم الأفكار دي».
وقال: «مصطفى شلبي، إيه الداعي إن أنت تحط نفسك في جملة مفيدة وتخلي شكلك وحش قدام الناس كلها».
واضاف : «إيه إللي أنت عملته في الزمالك يخليك واصل لمرحلة إنك فوق الانتقاد، أنا تفسيري الوحيد، اللي عمله مصطفى شلبي، إن هو بيوجه رسالة للجمهور إللي انتقده بشدة بعد مباراة الذهاب وبعد إصاباته المتكررة”.
كما قال ميدو: «أنا أفهم إن في نجم كبير بيقدم للنادي حاجة كبيرة جدًا وبقاله سنين وكتب تاريخ أنه يصل لمرحلة يلعب بأتيتيود كانتونا وروي كوستا وتوتي، اللي هو (أنا أعلى منكم كلكم)».
وتابع: «بكل صراحة في لعيبة عايشين في وهم أفكار إللي حواليهم فبيفضلوا جوه الدايرة اللي بنوها حوالين نفسهم، نجوم كبار تحديدًا في الفن والرياضة بيقعوا في مطب الانسياق وراء الدايرة المحيطة بيهم»، مضيفًا: «دايمًا اسمع الناس اللي مجالك وبتنتقدك ومتاخدش كلامهم انه مهاجمة وتقبل الانتقاد».
واختتم: «الزمالك لازم يراجع مصطفى شلبي، على الحركة إللي عملها بعد إحرازه الهدف الثالث في دريمز».
